Chillida Leku museoan izango du hitzordua gaur, Uda Hernanin programazio bereziak. Eta oraingoan, dantza tailerra prestatu dute, Myriam Perez Cazabon dantzariaren eskutik, museoko obrak baliatuz: Eskulturak betetzea saioa eskainiko du dantzariak, 11:00etan hasita.
6 eta 12 urte bitarteko haurrei eta haien gurasoei dago zuzenduta: «Eduardo Chillidaren eskulturak gorputzarekin sentituko ditugu, eta saiatuko gara betetzen eskultoreak sortutako espazioak. Mugimenduaren bidez hutsuneak sentitu, eta gorputzarekin eta adimenarekin beteko ditugu; keinuekin, eskulturaren formak hautematen saiatuko gara», aurreratu dute. Parte hartzeko, sarrerak hartu behar ziren aurretik, Biterin.
Bihar, berriz, Trashhhh! txotxongilo saioa eskaini behar zuten, Chillida Lekun bertan; baina bertan behera geratu da, zenbait arazo tarteko.