«Izan bidea dinamikarekin batera kilometroak egingo ditugu espetxeak hustu arte», adierazi dute Ernaiko kideek larunbateko ekimenaren harira.
Bi deialdi larunbaterako, Gudarien plazan eta Bexabin
Antolatzaileek bi deialdi egin dituzte, larunbatean presoen alde egingo duten mendi martxarako. Lehenengoa goizeko 09:00etan izango da, Gudarien plazan. «Bertan kotxeak antolatuko dira Bexabira igotzeko», jakinarazi dute. Kotxerik izan ezean, «etorri lasai, antolatuko gara», jakinarazi dute.
Bigarren deialdia 09:30etarako egin dute, Bexabin. Bertan bilduko dira ekimenean parte hartu nahi duten guztiak, eta guztiek batera egingo dute igoera. «Animatu zaitezke, azken(ak) bidea urratu arte!», esan dute antolatzaileek, komunikatuan.