Iñigo Urkullu lehendakariaren eta EAJ-PNVren kontra, zenbait pintaketa azaldu ziren ostegunean, Hernaniko Kaxkoan. Horietako batek dio, lurrean pintatuta, Urkullu, zureak egin du!
Azaldutako pintaketa horien aurrean, adierazpena kaleratu zuten atzo, Hernaniko Udalean ordezkatuta dauden talde politiko guztiek, bat eginda: EH Bilduk, EAJ-PNVk, Elkarrekin Podemos-Orain Hernanik, eta PSE-EEk. Adierazpenean diote, «herritar guztiek» daukatela eskubidea, «aukera politiko desberdinak hautatzeko, joko demokratikoaren baitan»; eta haiek guztiek merezi dutela «errespetu maila bera».
Horregatik nabarmendu dute, ez dutela bat egiten «errespetu hori bermatzen ez duten pintaketa eta bestelako jokabideekin». Eta gaineratu dute: «jendarte demokratiko eta normalizatuan, aukera politiko guztien eskubidea da presiorik ez jasotzea, demokrazia arauetan jasota daudenetatik kanpo».