Oihana Etxebarrieta legebiltzarkidea eta Juan Karlos Izagirre batzarkidea izan ziren Tilosetako hizlariak. Izagirre izan zen lehena, eta honek aipatu zuen, «hainbat galdera egin dizkidate, eta haietako bat izan da, ea zer dela eta izango diren hauteskundeak uztailaren 12an. Nik argi daukat, uztailaren 12an egingo dira hauteskundeak EAJk nahi duelako. Eusko Alderdi Jeltzaleak gainera, hainbat gai landu gabe utzi ditu, eta badirudi ahaztu egin direla, haietako bat Zaldibar kasua. Orokorrean, Covid-19aren kasuaren kudeaketa oso gaizki eraman dute, eta horren aurka goaz gu, eta irabaztera aterako gara. Horretarako dei egiten diet herritarrei, igandean, sekula baina indartsuago, EH Bildu bozkatzeko». Izagirren amaitu ostean, Etxebarrietak hartu zuen hitza, eta honakoa azpimarratu zuen «EAJk, konparaketak egiten ditu, baina gu baina okerrago dauden horiekin. Beti diote, hemen ondo gaude, ondo bizi gara. Eta ez da horrela. Hori aldatzera gatoz, etorkizun aske, eta Euskal Herri aske bat eraikitzera gatoz. Beraz, ingandean, goazen EH Bildu bozkatzera».