Datorren astean izango dira Eusko Legebiltzarrerako Hauteskundeak, hori dela eta, talde politikoek hainbat aurkezpen egin dituzte, zenbait herrietatik, asmoak, helburuak eta irtenbideak azalduz.
Gaur, EAJk egingo du aurkezpena, Hernanin. Goizeko 11:30etan hasiko da hauteskunde ekitaldi hau, eta Akarregi industriagunean izango da. Bertan izango dira Arantxa Tapia Garapen Ekonomiko eta Azpiegituretarako sailburua, eta Iñigo Urkullu, lehendakaria.
Ohar garrantzitsuak
Streaming bidez ere eskainiko dira EAJk antolatutako ekitaldi hauek, eta bertan parte hartzeko, aldez aurretik akreditazioa lortu behar dela jakinarazi dute.