Urumea bailarako festei hasiera ematen diete, normalean, Hernaniko Florida-Etxeberri auzoetako Mendekoste Jaiek. Aurtengoan ezin izan dira betiko moduan ospatu, Koronabirusaren eraginez ezarritako osasun alarma-egoera medio. Baina Auzokide elkarteak aurkitu du auzora jai-giroa ekartzeko modua. Txupinazoa bota dute, etxaferorik ez da falta izan, eta ohiko danborrada ere egin dute, balkoietatik izan bada ere.