Prest dago Lizeaga auzoko Maritxu Balkoi taldea, agurrerako. Plan berezia prestatu dute biharko, horretarako. Bihar, eguerdiko 13:00ean jarri dute hitzordua, Madalena plazan, eta pintxo-lehiaketa egingo dute. Vermuta, brindisa eta musika ere izango dira, noski, eta, aurreratu dutenez, Pobre de mi berezia... Pintxoa prestatu eta dotore-dotore aurkeztu beharko da selfi batean, argazkia maritxubalkoi@gmail.com helbidera bidalita, izenarekin eta osagaiekin, bihar eguerdia baino lehen. Gero, Maritxu balkoi lepoko zapiarekin elkartuko dira balkoietan, agurrerako.