Kilimak taldea izan da nagusi 29. Maketa Lehiaketaren Entzulearen GazteBizHitza Saria erabakitzeko bozketan, 2.857 boto lortu ditu. Beraz, 2.500 euro irabazteaz gain, final handian parte hartzeko txartela ere irabazi du talde gipuzkoarrak, epaimahaiak datorren astean iragarriko dituen beste hiru talde edo bakarlarirekin batera.
Bigarren postuari eutsi dio Lamiak taldeak, 2.430 botorekin, eta hirugarrena, Deñe bakarlaria izan da, 2.055 puntu lortuta.