Egoera ekonomiko kalteberan dauden alokairu erregimeneko etxebizitza babestuen errentariek ez dituzte ordaindu beharko aurtengo apirila, maiatza eta ekaineko alokairua eta komunitate-gastuak.
Hernaniko Udalak aplikatuko ditu Ingurumen, Lurralde Plangintza eta Etxebizitzako Sailburuaren, 2020ko martxoaren 31ko Aginduak, alokairu erregimeneko etxebizitza babestuen arloan Covid-19aren inpaktu ekonomikoari aurre egiteko zehaztutako salbueste neurriak.
Alarmarengatik langabezian gelditu izana edo autonomoen diru sarreren galera %40ko beherakada edo gehiago
Etxebizitza-parke publikoetako etxebizitza baten errentamendu-kontratu baten titularrei eta zuzkidura-bizitokien emakidaren onuradunei eragingo die salbueste neurri horiek, beti ere, «kalteberatasun ekonomikoko» egoeran badaude. Osasun alarmarengatik langabezian gelditu izana, edo, autonomoen eta enpresaburuen kasuan, diru-sarreren galera edo salmenten %40ko beherakada edo haundiagoa jasan izana dira salbuetsita gelditzeko baldintzetako batzuk. Eskabideak aurkezteko epemuga maiatzaren 31 da, edo, alarma-egoera amaitu eta hilabetera arte, data hori maiatzaren 31 baino geroagokoa bada, hernani.eus webgunean ikusi daitezke baldintzak.