Koronabirusak eragindako egoera honen aurrean, etxeetatik ez ateratzeko bete beharra daukagun arren, odol emate lanekin jarraitzea beharrezkoa da, «Odol Bankuak ospitaleak hornitzeko beharrezkoak diren izkinak mantentzen jarrai dezan». Horretarako, odola emateko deia luzatu nahi izan dute, eta gaurko jarri dute zita.
Hala ere, ez da betiko moduan izango, izan ere Goiz Eguzkin izango da. Gaur goizean zehar, txanda hartu beharko da, 943 007 884 telefonora deituz, goizeko 08:30etatik eguerdiko 14:00etara.
Behin deituta, ordu zehatz bat emango dute, arratsaldeko 18:00etatik 20:30etara bitartean, odola ateratzera joateko, «aglomerazioa sahiesteko asmotan». Azkenik antolatzaileek gaineratu dute, 50 odol emaile behar dituztela.