Udalak antolatuta, hitzaldia emango du etzi, asteazkenean, Nerea Mendizabal, komunikazio ez bortitzeko hezitzaileak. Gizarte hezkuntzan diplomaduna eta psikopedagogian lizentziaduna ere bada, eta haur masaje hezitzailea.
Hitzaldia internet bidez emango du, apirilaren 8an, asteazkena, 18:30etan hasita, euskeraz nahiz gaztelaniaz. Hitzaldia nola jarraitu, Udaleko webguneko (www.hernani.eus) agendaren atalean azalduko da.
Jaioberrietatik hasi eta 12 urtera arteko haurren inguruan
Hitzaldia haurren guraso eta arduradunei zuzendutakoa izango da, «orientazioa eskaini eta zalantzak argitzeko», Udalaren esanetan.
Mendizabal jaioberrietatik hasi eta 12 urtera arteko haurren inguruan ariko da. Besteak beste, azalduko du konfinamenduak nola eragin diezaiekeen haurrei eta haien familiei. Izan ere, «egoera berri bat bizitzen ari gara, eta heziketari lotutako zalantza asko sortzen dira, adin-etapa bakoitzean ezberdinak, gainera», argitu du Udalak.
Horrez gain, egoera honek sortu ditzakeen albo-ondorioak nola saihestu edo horiei aurre nola egin ere azaldu du.
Ordu erdiko azalpenen ondoren, galderetarako tartea
Nerea Mendizabalek zuzenean emango du hitzaldia, online, eta ordu erdi inguru iraungo du. Hitzaldia bukatuta, guraso eta interesatuek galderak egiteko aukera izango dute. Mendizabalek zuzenean erantzungo ditu.
Baliabide gehiago behar izanez gero, Mendizabalek bere webgunean, www.nereamendizabal.eus, hainbat argibide ematen ditu, eta lagungarriak izan daitezkeen gomendioak ere bai, webgune horretako blogaren atalean.