Martxoaren 14tik dago etenda jarduera Galarreta frontoian eta Oriamendi 2010 enpresan COVID-19 birusaren hedapenaren eraginez, eta osasun alarma egoera ezarri dela eta. Egun hartan jokatu ziren azkeneko lau partiduak, hurrengo asteetakoak bertan behera utzi aurretik. Eta egoera horretan, enpresak jakinarazi du, ezingo diela aurre egin erremontisten kontratuei. «Pelotarien kontratuak berrituz gero, ezinbesteko arrazoiek bultzatuta, ezingo genieke aurre egin kontratuen obligazioei, ez baitakigu noiz ekin ahal izango diogun Galarretako jarduerari, berriro», azaldu dute.
Horregatik, eta «ERTE bat abiatzeko beharrezko baldintzak betetzen ez direnez», enpresak erabaki du ez berritzea erremontisten kontratuak, horien
epemuga iristen denean.
Edozein kasutan, Oriamendi 2010 enpresak adierazi du, bere helburua dela erremontearen jarduerara bueltatzea berriro, «guztiontzako hain zaila izaten
ari den egoera hau gainditzen denean»