Martxoaren hasieran hasi zen Izpizua kaleko Nibiru edergintza zentroa Senegalera bidaltzeko materiala biltzen, eta hilaren 21era arte jarraituko du horretan.
Zer bildua, zerrendatuta
Behar den materiala zehatz zerrendatu dute.
Horrela, eskolarako, ondorengo materiala ari dira biltzen: koadernoak, folioak, arkatzak, plastilina, pegamina, kanikak, pegatinak, borragomak, linternak edota txorroskiloak.
Sendaketarako, berriz, bestelako hau: ur oxigenatua, betadine edo pomada antiseptikoa, hesgailu edo apositoak, gasak, esparatrapua, konpresak, erreduretarako pomada, ziztadetarako krema, eltxo uxagarria, suero fisiologikoa, ibuprofenoa, beherakoa gelditzekoa, umeen sukarra jaistekoa, umeentzako antibiotikoa, umeentzako antiinflamatorioa eta umeentzako parazetamola.
Haur talibeei buruz, Jerejef
Bilketaz gain, hitzaldia ere antolatu zen pasa den astean Nibirun, Senegal, Ginea, Ganbia, Mauritania edo Malin jaiotako haur talibeen inguruan. Izan ere, gurasoek baliabiderik ez dutelako, Marabu Koraniar eskoletako maisuen zaintzapean utzitako 4 eta 18 urte arteko haur hauek «bazterkeria, pobrezia, esplotazioa eta indarkeria» jasaten dituzte, eta «bidegabekeria hori ezagutaraztea» izan zuten helburu.
Jerejef elkartea boluntario talde batek osatzen du, Senegalgo hainbat proiektu ezagutu eta horietan parte hartzen duena