Manifestazioa bateratua deitu dute gaurko, Donostian, Errausketaren Aurkako Mugimenduak eta beste hainbat eragilek. Arratsaldeko 17:00etan abiatuko da, Easo Plazatik, Osasuna, ekonomia eta klimagatik, ez erre etorkizuna! lelopean. «Zaldibarren gertatutako hondamendiak erakutsi digu, ezin dugula erraustegia onartu», nabarmendu dute: «gutxi batzuen negozioagatik, herritarren osasuna jarri dute arriskuan, eta krisia sortu denean ezkutatu egin dira agintari politikoak. Negligente hutsak dira». Era berean, jakinarazi dute, Zubietako erraustegia ofizialki inauguratzen duten egunean, herri guztietan kandelekin eta beltzez jantzita egingo dituztela kontzentrazioak, 19:00etan. «Oraingoz martxoaren 3a da mahai gainean dagoen data, baina ez da ziurra», diote.