Gaur plazaratuko da, Ibon Fernandez Iradi preso dagoen gaixo larriaren askatasunaren errekurtsoaren ebazpena. Bosgarren aldiz eskatu dute bere askatasuna: «Frantziako estatuak behin eta berriro oztopatzen du Ibonen askatasuna, fiskalaren bidez», adierazi du Hernaniko preso eta iheslarien senide eta lagunen elkarteak. Bere askatasuna eskatzeko, bihar, 20:00etan, Lasarteko Okendo plazatik abiatuko den manifestaziora deitu dute: «Hernani eta Buruntza eskualdeko herritarrei dei egiten diegu, manifestazioan parte hartzera. Hortaz, bihar Hernanin ez da kontzentraziorik egingo».