Martxan da Hernaniko neska nagusien trainerua, beste urte batez; eta larunbatean eman zituen aurreneko paladak estropada batean. Oriaren jaitsieran aritu ziren, Orion, bi traineru hernaniar: neska absolutuena, eta mutil jubenilena.
Neska absolutuetan, 14garren izan zen Hernani, 20 traineruren artean. 15:12 denboran osatu zuen ibilbidea, eta Orio irabazleak baino 1:03 gehiago behar izan zuen.
Hernaniko mutil jubenilak, berriz, 10garren izan ziren, jubenilen eta talde mixtoen kategorian, azkeneko postuan. 15:43 denboran osatu zuten, Zumaia irabazleak baino 1:29 gehiago.