Inauterietako kontzertu berezia eskainiko du etzi, ostiralarekin, Hernaniko Musika Bandak. Arratsaldean zehar herriko kaleak Tolosako Inauterien abestiekin girotu ondoren, Milagrosan eskainiko dute kontzertua, 19:30etan. Aurtengoan, egitaraua aldatu egin dute pixka bat, beste estilo batzuetako musika txertatuz, zartzuelatik euskal musikara, Eugenio Delgado, Jose Franco, Tomas Breton, Geronimo Gimenez edota Joaquin Ortega Canarioren piezekin.