Errausketaren Aurkako Mugimenduak mobilizazioak deitu zituen asteazkenean hainbat herritan, eta Hernanin Zero Zaborrek bat egin zuen deialdiarekin. Zaldibarko zabortegiko gertaeren harira, azaldu zuten «lehentasuna desagertuta dauden bi langileak erreskatatzea eta inguruko herritarren osasuna bermatzea» dela. Era berean, salatu zuten «Zaldibarko eskandalua modu lotsagarrian kudeatzen ari direnek erraustegia inposatu nahi» digutela. Horrela, «hondakin kudeaketa osasuntsu baten alde», kalera atera ziren.