Denboraldiko egun berezienetakoa izango dute biharkoa, Hernaniko atleta gaztetxoek. Izan ere, etxean ariko dira, Sagastialdeko atletismo pistan, Adarraga Memorialean parte hartzen.
55garren edizioa izango du probak, aurtengoa; eta goizeko 11:00etan hasiko dira lasterketak. Guztira, bost txandatan aterako dira, maila ezberdinetako partehartzaileak. Atletismo pistaren erdiko berdegunean, pistaren inguruan zein kanpoaldean ibiliko dira korrika.
Mutil infantilen txanda izango da aurrena, 11:00etan puntuan; eta 2.736 metroko ibilbidea osatu beharko dute haiek. Segidan aterako dira neska infantilak, 11:20etan, pixka bat laburragoa izango den ibilbidea egiteko: 2.122 metro. Distantzia hori bera osatu beharko dute mutil alebinek, 11:35etan abiatuta; eta 1.508 metro egingo dituzte neska alebinek, 11:50etan hasita.
Benjamin mailako korrikalarien lasterketak emango dio bukaera goizari. 12:00etan abiatuta, 670 metroko ibilbidea izango dute aurretik.
Gipuzkoako Txapelketa, jokoan
Adarraga Memoriala ez ezik, jokoan izango da biharkoan, Hernanin, Gipuzkoako Eskolarteko Txapelketa ere, kros modalitatean, alebin eta infantiletan.
Bihar bertan jokatuko da, Ortuellan (Bizkaia), Euskadiko Kros Txapelketa, master mailetan: 35, 40, 45, 50 eta 55 urtetik gorakoetan, hain justu. Goizeko 11:00etan hasiko da.
Atletismoa
55garren edizioa izango du biharkoa, Adarraga Memorialak
Goizeko 11:00etan hasita, bost lasterketa izango dira, Hernaniko atletismo pistan.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!