Udalak udazkenean aurkeztutako Merkataritza Planaren barruan hainbat ekintza aurreikusi zituen merkatari eta ostalari txikiei begira. Horietako batzuk dira, atzo aurkeztu zituzten formazio saioak. Patxi Ibarguen zinegotziak azaldu zuen «merkataritza txikiaren egoera larria» dela, eta «dauzkan erronka haundiei aurre egiteko formakuntzaren alde» egin dutela, Berriak elkartearekin elkarlanean.
Bazkide eta ez-bazkideek irekita, izen-ematea
Formazio saioak bi bloketan banatu dituzte: komunikazioa lantzeko izango da aurrenekoa, eta negozioen espazioak antolatu eta pertsonen arteko harremanak lantzekoa, bestea. Bloke bakoitzean hiru saio izango dira: bi saio teoriko-praktikoak, eta horietan landutakoaren berri emango duen eredu erreal bat erakutsiko duen tertulia.
Izena blokeka ematea gomendatu badute ere, saioko ere eman daiteke, eta Berriak-eko bazkide direnek, zein ez direnek hartu dezakete parte. Horretarako, Berriak elkartera (943 33 30 49/berriak@hernanidendak.eus) edo Udaleko turismo eta merkataritza sailera, Biterira (943 33 70 29/gurutze-a@hernani.eus) jo daiteke.
Animatzeko deia ere luzatu zieten merkatari eta ostalariei. «Elkartean daudenak eta ez daudenak gonbidatzen ditugu, Berriak denentzako babes-leku izan dadin. Ez gara elkarren arteko konpetentzia, lankide baizik», azaldu zuen Marta Zulaicak, Berriaketik.
Maiatzean, gehiago
Formazio saio hauek otsaila eta martxorako antolatu dira, baina, Gurutze Amigorena, turismo teknikariak aurreratu zuen maiatzean ere gehiago izango dela. «Maiatzaren 5ean hasita, Instagram lantzeko beste ikastaro bat emango da; bat euskeraz, eta bestea, gaztelaniaz».
Asteazkenean hasiko diren saioei dagokienez, berriz, Ibarguenek gaineratu zuen ikastaroak euskeraz emateko prestatu direla, baina parte-hartzaileen arabera «egokitu» egingo direla.
KOMUNIKAZIO ESTRATEGIKOA
1. SAIOA: KOMUNIKAZIO
ESTRATEGIKOA
OTSAILAK 18
14:15-16:00 Iturolan. Ordenagailua eramatea gomendatzen da. Bestela, mugikorra.
2. SAIOA: ARGAZKIAK
EDITATZEKO APLIKAZIOA
MUGIKORREAN
OTSAILAK 25
14:15-16:00 Iturolan. Mugikorra eraman behar da.
3. SAIOA: KAFE TERTULIA: ZUZEU SARE SOZIALETAKO ESPERIENTZIA
MARTXOAK 3
14:15-16:00 Berriak elkartearen bulegoan. (Andrekale kalea)
NEGOZIOEN ESPAZIO FISIKOA ETA PERTSONEN ARTEKO HARREMANAK
1. SAIOA: NEURE NEGOZIOAREN JABE
MARTXOAK 12
14:15-16:00 Iturolan.
2. SAIOA: ORDENA ETA
ANTOLAKUNTZA MERKATARITZA TXIKIAN
MARTXOAK 17
14:15-16:00 Iturolan.
3. SAIOA: KAFE TERTULIA:
MERKATARITZA DINAMIZAZIO SAIOA
MARTXOAK 24
14:15-16:00 Berriak-en bulegoan.
Izen-emateak: Berriak elkartean edo Udaleko turismo eta merkataritza sailean.