Atzo jarri zituzten Stock Azokarako postuak Plaza Berrin, Berriak, Hernaniko Merkatari eta Ostalarien Elkarteko hainbat dendek. Gaur berriro jarriko dituzte, baina goizez bakarrik, 10:00etatik 14:00etara.
12 dendatako postuak
Denera, elkarteko 12 dendak jarri dituzte postuak: Ilargi, Mahuka, Laket, Hiru, Balantxa etxetresnak, Valen, Hoki, Eukene, Dekolanak, Kuluska, Oinatz, eta Ibaimendik. Horietan denetik topatu daiteke: haurrentzako edota helduentzako arropa, kirol arropa, dekoraziorako gaiak, etxetresna elektrikoak...
Guztia, merke-merke, denboraldia itxi ahal izateko. Gaurkoa izango da azken eguna.