Bihar eta etzi, Stock Azoka jarriko dute Plaza Berrin, Berriak merkatari eta ostalarien elkarteak antolatuta.
Merkealdiak bukatuta, biltegia hustu beharra daukate dendek, denboraldi berriko produktuez hornitzeko. Eta horregatik, askotan, kostu preziotik behera ere saltzen dituzte produktuak, Stock Azokan; ordaindutako guztia ez bada ere, zati bat berreskuratu behar dutelako, fakturak ordaintzeko.
Hamabi partaide izango dira bihar eta etzi, Plaza Berriko Stock Azokan parte hartuko dutenak: Ilargi, Mahuka, Laket, Hiru, Balantxa, Valen, Hoki, Eukene, Dekolanak, Kuluska, Oinatz eta Ibaimendi.