Beterri Saretuz programak aurrera jarraitzen du eta bigarren jardunaldia antolatu dute, «Beterri-Buruntza eskualdean parte hartzean oinarritutako enpresa ekosistema aitzindari baten oinarriak jartzeko asmoz». Hernanin izango da bigarren jardunaldi hau, bihar goizeko 9:30etan hasita, Iturola Elkarlan Sorgunean izango du lekua.
Oinarri eta helburuak
Ekonomia eraldatzailearen oinarrietako bat parte hartzea da, eta ekosistema hori sustatzeko, «enpresek ez ezik, hezkuntza eragileek, ekintzaile sozialek eta administrazioak ere badute zeregina». Hori horrela, osteguneko jardunaldian «horiek guztiak banatuko dira, lan-mahaien bidez bakoitzak bere sektorean egin dezakeena aztertzeko».
Programa honek, Gipuzkoako Aldundiaren eta Beterri-Buruntza Udalak erakundearen laguntza dauka eta sektoreen «beharren araberako eskualdeko gida edo lan-tresna bat osatu nahi da». Eta gida hau aurkezteko, hirugarren jardunaldi bat ere egingo dute.
Hala ere, bigarren jardunaldia bihar izango da, Hernaniko Iturolan, goizeko 9:30etan hasita. Enpresek eta eragileek izena eman dezakete, formularioa betez: https://labur.eus/bskQP. Informazio gehiagorako, deitu 688 849 540 telefonora.