Organik Dantza Konpainiak, Sareak ikuskizuna eskainiko du etzi, arratsaldeko 20:00etan. Biterin izango du lekua emanaldiak, eta testurik gabea izango da.
Natalia Mongek zuzendutako lan honetan, antzinako arrantzaren inguruko istorioak kontatzen dira. «Nagusiki gizonezkoek egindako lana bada ere, emakumezkoak dira portuan sareak konpontzen dituztenak». Hori dela eta, saregile horiei omen egin nahi die lan honek, sareen sinbologiari begiratuta. «Sareak lan honekin, porturaino eramango gaitu bost emakumeren indarran, intimitate eta umorearen bidez». Emakume hauen papera, bost dantzarik interpretatuko dute, hala nola, Pilar Andrés, Natalia de Miguel, Helena Golab, Begoña Krego eta María Martín.
Musikari dagokionez, konposizioa Laurentx Etxemendirena da.
Hiru sarrera bikoitz zozketan
Bi sarrera bikoitz zozketatuko dira, galdera hau zuzen erantzuten dutenen artean: zenbat dantzarik osatuko dute ikuskizuna? Iruzkina egin Kronikako webgunean erantzuna emanez edo bulegotik pasa. Beste sarrera bikoitza berriz Dobera eta Kronikako bazkideen artean zozketatuko da.
Beraz, Organik Dantza Konpainiak, Sareak ikuskizuna ikustera gonbidatu nahi ditu herritarrak, antzinako arrantzako bizimoduak nolakoak ziren ikusi, entzun eta gozatzeko.