«Bizilagunen ordezkaritza batekin adostuta», eta «Mugikortasun Planaren barruan», Udalak lorontzi haundi batzuk jarri ditu Portu auzoan, tuneletik Lonja etxera arteko tartean. Helburua da Portu eta Elizatxo auzoetan barrena «ibilgailuen abiadura moteltzea». Azaldu dute «oinezkoek kaleak eta herria berreskuratzeko urratsa» dela.
Ikastolaren atzealdea, hurrengo pausua
Oraingoz, lorontzi haundi batzuk jarri dituzte bidean, eta aulkiak; baita autobus geltokian ere.
Horrez gain, piboteak jarri dira Portuko tunelaren barruan, oinezkoak babesteko. Margotzea falta dela azaldu du Udalak, baina uda arte ezingo dutela egin, hezetasun haundia medio. Lorontzien kokapena ere egokitzen ari dira; «bizilagun batzuen beharren arabera mugimendu batzuk egingo dituzte. Horiek finkatuta, lorontziak babesteko piboteak jarriko dituzte».
Lan hauek guztiak ez dira interbentzio gogorrak, ez baitituzte obra haundia eta egiturazko aldaketak behar; «lurrean margotutako kolore eta irudien jarraipena dira», eta Udalak argitu du «ondo funtzioatzen badute, horrela geldituko» direla. Horretarako, «bizilagunekin kontsultak egingo dira».
Hurrengo pausua, «ikastolaren atzealdeko sarreraren proiektuarekin jarraitzea» izango da, Mugikortasun Planaren barruan. «Bizilagunak, oro har, gustora daude, ibilgailuak abiadura moteltzen ari direlako».