Udalak kirol programa eta jardueretarako dirulaguntzak eskatzeko baldintzak eta epeak orain hamaika egun argitaratu zituen eta gaur zortzi, datorren ostiralean amaituko dira. Aurrekontuak irabazi asmorik gabeko kirol klubei eta elkarteei zuzendutako aurrekontu partidak biltzen ditu. Kirol programen helburuekin bat datozen 2018-2019 denboraldiko hainbat kirol programa eta jarduera antolatzeagatik emango dira, horiek izandako proiekziogatik zein interesagatik.
Oinarri hauen objektu diren dirulaguntzatarako bideratuko den kreditua 55.000 eurokoa da.
Kasu zehatzetan, eta Hernaniko Udaleko Jarduera Fisikoa eta Kirol delegatuak hala zehaztutakoan, Hernanitik kanpo kokatutako entitateek ere izango dute diru-laguntzak eskuratzeko aukera, betiere , antolatutako jardueren zati haundi bat udalerrian bertan egin denean edo udalerriarentzat interesgarriak direla ikusitakoan. Udal Kiroldegian edo www.hernani.eus web orrian informazioa.