Pasa den ikasturtean jarri zuten martxan ETHAZI metodologia, Gizarte Berrikuntza LHII, Hernaniko Lanbide Heziketako ikastetxean. Esperientziarekin pozik, zabaldu egin dute, ziklo gehiagotara.
Erronkaz erronka, hainbat gaitasun lantzen
Lehengo urtean Diseinu mekanikoko eta Elektrizitate zikloetako aurreneko mailetan aplikatu zuten «metodologia berritzaile» hau. «Ikaskuntza kolaboratiboa du oinarri, eta ikasleek, taldeka, aurkezten zaizkien erronka ezberdinei egin behar izaten diete aurre. Bukaeran, gaitasun teknikoez gain, ikasleek beharrezkoak diren zeharkako gaitasunak ere lortzen dituzte. Hala nola, autonomia, talde lana, arazoen ebazpena...», azaldu dute.
Emaitzarekin pozik, zabaldu egin dute metodologia, eta aurten, Diseinu mekanikoko, Mekanizatuko eta Elektrizitate zikloetako 1 eta 2 mailatan aplikatu da. «Iaz erronkek ziklo berdineko moduluak batzen bazituzten, aurten ziklo ezberdinetako moduluak batu dituzte».
Espazio berriak sortzen
ETHAZI metodologia aplikatzeko, material pedagogikoa aldatu behar izan dute, eta horrez gain, espazio berriak sortu dituzten; «ETHAZI GELA deitu diegun 140m2-ko bi gela polibalente».
Azpimarratu dute, gainera, gelak eraikitzean birziklatzearen alde egin dutela: «elementu zaharkitu ugariri bigarren bizitza eman zaie».