Atseden asteburua izan da hau, lehiari dagokionez, jubenil mailako eskubaloi taldeentzat; eta kadete mailan, soilik Hernaniko nesken taldeak eta mutilen talde batek jokatu dute ligako partidua. Konpromiso zaila zeukaten neskek, Ordizia liderraren kantxan, eta porrota gogorra jaso zuten (23-14). Eta galdu egin zuen mutilen taldeak ere, etxean, Urolaren kontra (30-33). Sailkapenean aurretik dago Urola, eta galdu arren, hernaniarrek erakutsi zuten zergatik dauden sailkapenaren goiko aldean.
Mutil kadeteen beste taldeak, aldiz, lagunarteko partidua jokatu zuen, Zarautzen kontra; eta garaipena lortu zuen.
Ligako jardunaldi arrunta izan dute, ordea, infantil mailako taldeek. Eta emaitza onak lortu dituzte orokorrean, gainera. Izan ere, hiru partiduetatik bi irabazi dituzte.
Horrela, 12-11 nagusitu ziren neska infantilak, Pulporen kontra; eta 24-26 Elgoibarren mutilen talde bat, etxeko taldearen aurrean. Ligako parekotasunaren erakusle izan dira biak: «oso lehiatua ari da izaten, ez delako inor nabarmentzen besteen gainetik; eta hori oso ona da gazteen ilusioa eta gogoa mantentzeko», nabarmendu dute.
Mutilen beste taldeak galdu egin zuen, Ordizian (31-20).
Eskubaloia
Bi garaipen eta hiru porrota Hernanik, partidu oso lehiatuekin
Neska infantilek eta mutil infantilen talde batek lortu dute garaipena; biek ere, emaitza estuarekin, «ligako parekotasunaren erakusle».
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!