Azken jardunaldia ona izan da pelotari hernaniarrentzat. Hamaika garaipen eta bederatzi porrotekin emaitza esanguratsuak lortu dira. Horren erakusgarri infantil eta alebinetan lorturikoak.
Garaipen hoberenak Arretxe-Alberdi bikote alebinak eta Pascual-Azpeitia bikote infantilak lortu zituzten. Alebinek 4-16 irabazi zieten Epleko bikoteari eta 18-4 infantilek Gure Txerukoari. Emaitza horiek balio izan die Gipuzkoako Txapelketaren azken fasera sailkatzeko, binakako txapelketan.
Trinketean plenoa egin dute bikote hernaniarrek. Lautik lau garaipen erdietsi dira. Kadeteetan Arluziaga-Martin; jubeniletan Uitzi-Oiartzabal eta Insausti II-Apaolaza; eta Pagola-Alvarez nagusietan irten dira garaile bere partiduetan.
Exposito eta Labakak berriz ere galdu
Emaitzik txarrena Euskal Herriko txapelketan gertatu zen. Exposito eta Labakak erraz galdu zuten Lemoan, 22-7, eta azken fasera sailkatzeko aukerarik gabe geratu dira. Orain arteko partidu guztiak galdu ditu CD Hernaniko bikoteak.