Asteburuan jokatzekoak diren sei partiduetatik lau, etxean jokatuko dituzte Hernaniko boleibol taldeek, eta seniorretako biek horixe izango dute aldeko, pasa den asteburuko emaitzei buelta eman eta aurreko bidera bueltatzeko, nahiz eta aurrekoan ere etxean aritu ziren.
Mutilak izango dira jokatzen aurrenekoak, Euskal Ligan. Arratsaldeko 16:00etan hasita, Gasteizko Aranbizkarra izango dute aurrez aurre. Neskak, berriz, Gipuzkoako Ligan, arratsaldeko 18:00etan ariko dira. Kasu honetan, Goierriren kontra aritu beharko dute.
Gainontzeko lau partiduetatik beste bi ere, etxean jokatuko dituzte hernaniarrek. Batetik, Gipuzkoako Ligan ari den kadeteetako nesken bigarren taldea ariko da etxean, gaur, 13:00ean; Summa Aldapeta 2ren kontra neurtu beharko ditu indarrak. Bestetik, Liga berean, infantiletako nesken bigarren taldea etxean ariko da, ordu berean eta aurkari beraren kontra.
Kadeteetako nesken aurreneko taldeak, berriz, Tolosan jokatuko du 11:30etan, Laskorainen kontra, eta infantilak Donostiako Pio Barojan izango dira 11:00etan, Fortuna Txikiren kontra.