Abailan dijoa aurrera Buruz Buruko Master Txapelketa; gaurkoan, bi finalerdi jokatuko dituzte lau erremontistak, arratsaldeko 16:00etan hasita Galarretan jokatuko diren partiduen artean.
Finalerdietan aurrenekoan Barrenetxea IV hernaniarra eta Ansa II gaztea ariko dira aurrez aurre, eta bigarrenenean, berriz, Urriza eta Endika.
Gauzak horrela, gaur bertan jakingo da otsailaren 8ko finalean zein bi erremontista ariko diren txapela lortzeko lehian.
Horez gain, beste bi partidu jokatuko dira gaur
Pelota bizien bila, hernaniarra
Lau finalistek ostegunean aukeratu zituzten gaurko pelotak. Barrenetxeak pelota biziak aukeratu zituen, 130 gramokoak, eta horietako bat arinagoa. Orokorrean, pelota pisutsuak bilatu zituen, biziagoak eta azkarragoak izango direnak, horrela, sakean min egiteko aukera izateko.
Ansak, bestalde, pelota arinagoak eta lehorragoak nahiago izan zituen, 128 eta 129 gramo artekoak, aurrealdean peloteorako aukera izateko.
Bigarren finalerdirako, berriz, Urriza eta Endika ez ziren peloten ezaugarri jakinen bila aritu; nahiago izan zuten xextotik ateratzean haiekin gustora sentitzea. Endikak joskura garbikoak aukeratu zituen; Urrizak, xextotik ondo aterako direnak
Urrizaren alde, balantza
Azken hiru urteetan Urriza izan da Masterreko txapela jantzi duen erremontista; aurreko bi urteetan, Utergak irabazi zuen, eta 2013 eta 2014an ere, Urrizak. Hori horrela, bera da oraingoan ere faborito, eta seigarren garaikurra etxeratzeko ahalegina egingo du.
Hala ere, gaurko finalerdian Endika garaitu beharko du horretarako, aurrena. Bestalde, Barrenetxeak ere Ansa gainditu beharko du finalera iritsi nahi badu. Behin horraino iritsita, hernaniarrak badaki Urriza garaiezina ez dela menderaezina.