Garbitaniako enpresa batzordeak biharko, urtarrilaren 30eko, greba orokorraren deialdiarekin bat egitea erabaki du eta horrek zenbait ondorio izango ditu Hernaniko hondakinen bilketan.
Garbitania Hernaniko hiri-hondakinen kudeaketaz arduratzen den sozietate publikoa da eta grebaren ondorioz asteazken gauean jasotzen den organikoa ez da jasoko. Ostegun goizean egiten den altzari bilketa ere ez da egingo. Poligonoetako kartoia ere ez da bilduko.
Herria ahalik eta txukunen egoteko, herritarrei zein enpresei eskatzen zaie, mesedez, ez ateratzeko hondakin horiek ez asteazken gauean ezta ostegunean ere.