Igandean ekin zioten Hernani eta Ereñotzuko bolariek, Gipuzkoako Binakako Txapelketari. Eta etxean aritu ziren, Floridan izan baitzuten aurreneko tiraldia. Baita aprobetxatu ere!
Hirugarren postuan da Miel Arrozpide hernaniarra, Antonio Goenaga altzatarrarekin bikotea osatuz. 76 brila bota zituzten, bien artean.
Eta ez dira aparte, Leandro eta Ibon Miner osaba-iloba ereñotzuarrak ere. Laugarren postuan daude, 69 brilarekin.
Floridan aritu ziren bolarien artean, abilenak Txema Fernandez eta Jesus Morales izan ziren, 47na brila bota baitzituzten; 43na bota zituzten Unai Esnalek eta Jose Mari Etxebestek. Hain justu, Fernandez eta Esnal dira lider, 90 brilarekin; eta bigarren Morales eta Enrike Lopetegi, 83rekin.
Etxekoen bolarien artean, Leandro Minerrek bota zituen brila gehien, 39 guztira; Fernando Gallegok eta Miel Arrozpidek 34na; eta nesketan, Nagore Miner bosgarren izan zen, 16 brilarekin.
76 brila bota zituzten hernaniarrak eta altzatarrak, Floridan. Leandro eta Ibon Miner ereñotzuarrak laugarren daude.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!