Ikasturtean zehar landutakoa herritarrei erakusteko asmotan, igande goizerako jarri zuen hitzordua, kiroldegian, Hernaniko Gimnasia Erritmiko eta Akrobatiko Taldeak. Eta erakustaldi ederra eskaini zuten herriko gimnastek, harmailak bete-beteta zirela. Uztaiak, baloiak, mazak edota zintak erabiliz, taldeka zein bakarka, ikusleen txalo zaparradak eragin zituzten, helduagoek zein txikienek.