Kontzertu berezia izango da datorren ostiralean, Biteri kultur etxean. Hezurbeltzak emanaldia eskainiko dute, ibilbide luzeko eta nortasun eta izen haundiko hiru artistak: Jon Maia bertsolariak, eta Gorka Hermosa eta Jesus Prieto Pitti musikariek.
Iluntzeko 20:00etan izango da, eta sarrerak salgai daude, 7,5 euroan, Biterin. Kantuetan, bilduko dituzte emigrazioa, gizarteko pertsona baztertuak eta haien inguruko istorioak; eta uztartuko dituzte poetika, umorea, kritika eta edertasuna, «musika gainditzen duen unibertso propioa sortuz».