Hernaniko Udal kiroldegiak, aukera eman nahi du eskaintzen dituen hainbat zerbitzu online egiteko, eta eskaintza hau 2020ko martxotik aurrera izango da. Hainbat zerbitzu emango dira online, hala nola, ikastaroetan izena ematea, erreserbak ere egin daitezke: squash, frontoia... abonatu egitea eta beste aukera gehiago.
Datu baseak eguneratui
Orain arteko abonatuen datu basea ezinbestean eguneratu beharra dauka kiroldegiak. Hori dela eta, «online zerbitzua erabili nahi duenak ezinbestean kiroldegitik pasa beharko du, datuak eguneratzera».
Datuak eguneratzeko, kiroldegiko bulegora bertaratu edo kiroldegiko harreran bertan egin daiteke, beti bulego edo kiroldegiko ordutegietan. NAN karnetaren fotokopia eraman behar da, «familiako abonatu kasuetan adinez helduak direnen NAN guztiak». Argazkia ere entregatu behar da, «eguneratu bat», telefono mugikorraren zenbakia, email helbidea eta kontu korronte zenbakia «aldatu nahi den kasuan».
Udalak adierazi du, bazkideei, eskutitz bidez helduko zaiela informazio guzti hau. Beraz, adi egon, eta internet bidez kiroldegiko zerbitzuak erabili nahi izanez gero, azaldutako guztia entregatu.