Indartsu mantentzen dira boleiboleko seniorretako bi taldeak. Neskek etxean jokatu dute Ostadarren kontra, eta hasieratik bukerara, partidua kontrolatu zuten, partzial guztiak garbi irabazita. Mutilek, bestalde, Pio Barojan jokatu zuten Bera Beraren aurrean, eta itzuliko aurreneko partidua izanik, ligan aurrenekoak izateko nahiari eutsi eta lan ederra egin zuten. Hiru partzialak garbi irabazita, Ligako bosgarren postuan finkatu dira. Etxeko segidako bi partiduak irabazita, sailkapenean gora egiteko moduan izango dira.
Gainontzean, etxean aritu ziren neska kadeteek erraz gainditu zuten Arantzazuko Ama, 3 eta 0. Kanpoan Fortunaren kontra, berriz, partidu gogorra jokatu eta 3-2 galdu zuten. Infantilek, bestalde, elkarren kontra jokatu zuten, eta aurreneko urtekoek irabazi zuten 3-2.