Nork bere burua zaintzen ikasteko programa da Paziente Bizia, Stanford Unibertsitateko metodologian oinarrituta,2014tik aurrera Osakidetzak garatu duena. Horren bueltan, hainbat ikastaro antolatu dira otsailerako, eta izen-ematea irekita dago.
Hiru ikastaro aukeran, Henanin eta inguruan
Programaren helburua da gaixotasun kronikoak dituztenei edo horrelako gaixo bat zaintzeaz arduratzen direnei informazioa ematea, osasun-egoera hobetzeko izan behar diren ohitura eta jokabideak zein diren ikasteko.
Otsailean hiru gairen inguruko 6 tailer jarriko dira martxan: Henanin, otsailaren 11n hasita, asteartero 16:30etatik 18:45etara, Nire osasuna biziki zainduz; Donostian, Minbizia izan ondoren nire osasuna zaintzen emango da, Grosen asteartero otsailaren 11n hasita 16:30etatik 19:00etara, Ondarretan asteazkenero otsailaren 12an hasita, 16:30etatik 19:00etara, eta Amara Erdin astelehenero 10:30etatik 13:00etara, otsailaren 10ean hasita; Nire diabetesa zaintzen, berriz, otsailaren 11n hasita emango da asteartero, 16:30etatik 19:00etara Ondarretan eta 10:30etatik 13:00etara Amara Erdin.
Izen-emateak 943 00 65 51 edo pacienteactivo@osakidetza.eus helbidean egin daitezke.