Ez zuen nahi bezalako emaitza lortu Hernanik, aurreko asteburuan, Landaren. Baina pasatakoak ahaztu, eta biharko partidu inportantea daukate buruan trikoloreek: Cisneros azkenaurreko sailkatua izango dute aurrean, 12:30etan Madrilgo Central zelaian. Hernanik baino lau puntu gehiago dauzka, eta beraz, kontrario zuzen-zuzena da.
Ezinbestekoa dute garaipena trikoloreek, mailari eutsi nahi badiote. Eta zailtasunei ere egin beharko die aurre: Igor Etxeberriak ezingo du jokatu, min hartuta; eta ezta Xabat Erroizeneak ere, txartel pilaketagatik. Loketi Manu dago zalantzan.