Hiru final jokatuko dituzte esku pelotari hernaniarrek, asteburu honetan: Gipuzkoako trinkete Txapelketakoa, Irurako Ametsan, Unai Alvarezek eta Mattin Arluziagak; eta Zangozako Txapelketakoa, Xabier Apaolazak.
Gaur ariko da Alvarez, nagusien bigarren mailan. 18:00etan hasita, Pagazpeko Huizi izango du aurrean. Hirutan munduko txapeldunorde izan eta hainbat urtetan erretiratuta egon ondoren, aurten bueltatu da lehiara, eta finalera iritsi da, estreinako txapelketan. Bera izango da faborito, baina beteranoa da Huizi ere, eta trinketean espezialista.
Bihar jokatuko du Arluziaga kadeteak, 11:00etan, Behar Zanako Aranburu faboritoaren kontra; eta ezustekoa bilatuko du, oso maila onean ari baita.
Eta Apaolaza, azkenik, lau t'erdiko finalean ariko da Zangozan, bihar 17:30etan, Larraulgo Iriarteren kontra. Partidu berdindua espero da, eta orain arteko maila ona emanez gero, txapela ekarri dezake