Tentsio haundiko partidua bizi izan zen atzo Landaren. Horren erakusgarri, partidua hasi eta 6garren minutura Cienciasen aldekoa izan zen zigor kolpea, eta 16garrenera Hernaniren aldekoa izan zen bigarrena.
Sailkapenean azken bi postuetan daude bi taldeak, eta Hernanirentzat garrantzitsua zen bigarren itzulia garaipenarekin hastea, baina Cienciasek ondo eutsi zituen etxekoen erasoak, eta 6 entsegu eginda, 23 eta 41 irabazi zuen partidua, etxekoak punturik gabe utzita.
Atzetik
Partidua bizia izango zela argi geratu zen hasieratik, eta ondo hasi zen Hernani. Baina Cienciasek lortu zituen partiduko aurreneko entsegu eta transformazioa, 21garren minutuan, eta beste bat ere egin zuen, 27garrenean. Hernanik ere lortu zuen berea 34garrenean, baina Cienciasek beste bat lortu zuen, tranformazio eta guzti, atsedenaldiaren aurretik: 8-22.
Bueltakoan bizi ibili zen Hernani, eta bigarren entsegua lortu zuen 4 minutura. Ciencias, ordea, ez zegoen lo, eta beste bi entsegu eta transformazio egin zituen 52 eta 59garren minutuetan, markagailuan tartea haundituz, 13-36.
Gogor saiatu zen hala ere, Hernani, eta lan bikaina eginda, beste bi entsegu lortu zituen: 23-36. Cienciasek, ordea, erakutsi egin nahi izan zuen ez zela azpiratua izango, eta beste entsegu batekin bukatu zuen partidua, 23 eta 41.
Horrela, 11 punturekin gainetik geratu da Ciencias, eta 7rekin, azkena da Hernani sailkapenean.