Arte sorkuntzarako diru-laguntzak eskatzeko epea irekita dago

Abenduaren 16ko Gipuzkoako Aldizkari Ofizialean argitaratu zuen Udalak arte sorkuntzarako diru-laguntzen deialdia, eta argitaratu eta hurrengo egunetik hasita, 30 egun naturaleko epea dago eskaerak aurkezteko. Horretarako, udaletxeko Herritarren Harreta Zerbitzura jo daiteke, edo www.hernani.eus/eu/dirulaguntzak webgunera. Deialdi honekin sorkuntza eta ekoizpen prozesuak garatzeko jarduera-proiektuak lagunduko dira, kultura edo sormen sektorearekin lotutakoak: zinema eta ikus-entzunezkoak, argazkia, dantza, literatura, musika, eta antzerkia. Proiektu bakoitzak gehienez, 6.000 euroko aurrekontua izan beharko du.