Kirolak bakarrik ez, kulturak eta literaturak ere izaten dute euren txokoa urteko azken egun honetan. Urteroko ohiturari eutsi, eta Gabonetako liburu eta disko azoka jarriko du gaur, Kaleko Elkartasun eta Kultur Elkarteak, Hernanin. Plaza Berrin izango da, goizeko 10:30etatik 14:00etara.
Bertan aurkituko dituzte herritarrek, «egoera onean dauden 1.000 liburu, disko eta CD baino gehiago», aurreratu dutenez.
Gainera, aurrekoetan bezala, oraingoan ere material bilketa egingo dute, azokako postuan. Horrela, nahi duenak, bertan eman ahal izango ditu, erabiltzen ez dituen liburu, musika CD eta binilozko diskoak. Eta jakinarazi dute, norbaitek materiala eman nahiko balu, baina bihar bertaratzerik izango ez balu, antolatzaileekin harremanetan jarri daitekela, helbide elektroniko honetara idatzita: azokasolidario@gmail.com. Informazio gehiago, webgunean: azokasolidario.eus.
KALEKO ELKARTEA
Gabonetako liburu eta disko azoka, Plaza Berrin
10:30etatik 14:00etara egongo da gaur, Kaleko elkartearen eskutik, 1.000 liburu eta disko baino gehiagorekin. Material bilketa ere egingo dute.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!