EAJ-PNV alderdiko bozeramaileak, Andoni Amonarraiz Gomezek salatu duenez, «herri honetako anti-demokratek gure egoitza berria erasotzen duten bigarren aldia» da, eta «alderdi politiko guztien gaitzespena espero» du.
Egoitza berria Orkolaga auzoan dago, eta pintura gorriz zikinduta agertu da. Amonarraizek azaldu du «horrelako ekintzek indartsuago egiten» dituztela, eta «gero eta hernaniar gehiago direla gure lan-ildoa babesten dutenak. Deigarria da herri honetako anti-demokratak molestatzen dituela ikustea».
Era berean, gehitu du Zerbitzu Publikoetako zinegotziari jakinarazi diotela margoketak garbitzeko eskatuz, «eta erantzuna azkarra izan da. Guk jarraitu egingo dugu gure herriagatik eta herriarentzat lanean, indarkeria mota bakar bat ere onartu gabe».