Atzo izan zen Santo Tomas egun haundia. Hernanin ere nabaritu zen, gainera. Txistor-jate ederra egin zuten Goiz Eguz–kin, Plaza Berrin CD Hernani futbol saileko kideen eskutik, baita Etxeberrin ere, Auzokide auzo elkarteak antolatuta.
Horrez gain, Donostian el–kartu ziren hernaniar asko eta asko, tartean, San Joan Kon–partsako kideak.
Festa gutxi izan zuten batzuk, eta gaur izango dute hura luza–tzeko aukera, eguerdian egingo baitute txistor-jana Portu eta Lizeaga auzoetan. Portukoa, 12:00etan hasita, Ibarrolaburu plazan; eta Lizeagakoa, aldiz, beranduago, 12:30etan, Urumea ikastolako aterpean.
Lizeagako Gibelalde elkarteak saskia zozketatzeko aprobetxatuko du baita ere, eta aukera emango du bazkide egiteko.