Mutilen eta nesken talde nagusiek gaur emango diete amaiera 2019 urteari. Urteko azken bi partiduak etxetik kanpo jokatuko dituzte. Mutilek, Euskal ligan, kiroldegian jokatuko dute gaur, 12:00etan, Sestaoren aurka. Azken hiru partiduak galdu dituzte lehendabiziko hiru sailkatuen aurka eta gaur irabaziz gero laugarren amaituko lukete urtea.
Neskak garaipen guztien bila
Hernaniko nesken senior taldea Gipuzkoa mailan ari da jokatzen. Gipuzkoako Hasierako Txapelketan sei partidu jokatu ditu eta denetan lortu du garaipena. Hala ere, partidu bat geratzen zaio, gaur, 17:00etan, Urretxuko kiroldegian jokatuko duena Goierriren aurka. Hernaniarrak faborito argiak dira partidua irabazi eta txapelketa hau irabazteko.