Martxan da Bertsolata, beste urte batez, Hernaniko Iraulio Panttalone Bertso Kabiyak antolatuta. Eta gaurko jarri dute hurrengo hitzordua: bertso-poteoa egingo dute herriko kaleetan barrena, eta herritar guztiak gonbidatu dituzte haiekin batu eta parte hartzera. Bertso eskolako zenbait bertsolari ariko dira erritmoa markatzen.
Gabon Gauean, berriz, Olentzero hartuta ibiliko dira, baserriz baserri. Eta hilaren 26an izango da aurreneko emanaldi potoloa, ostegunarekin: Auskalo zeinek jarriak bertso jarrien emanaldia eskainiko dute Unai eta Eñaut Agirre anaiek, beste hiru gonbidatu berezirekin: Jexux Mari Irazu, Joxan Goikoetxea eta Imanol Kamio. Biterin izango da, 19:00etan; eta sarrerak dagoeneko salgai daude, Dobera Euskara Elkartean (Larramendi kalea, 11).