Kartak izan ziren protagonista Karabel auzoan, joan den asteburuan. Mus eta Tute Txapelketak jokatu zituzten, giro ederrean; eta bi bikote izan ziren nagusi azkenean: Joseanek eta Raimundok irabazi zuten Mus Txapelketa, eta Karmelek eta Jonek Tute Txapelketa. Urdaiazpiko bana eta kopa jaso zuten lau irabazleek, baina bi txapelketetako finalistek ere izan zuten saririk, Gabonetako kaxa eder bana jaso baitzuten zortzi finalistek. Argazkian ageri dira, jasotako opariekin.
Eta Gabonei segida emateko, astelehenerako jarri du hitzordua Olentzerok, hilaren 23an, Karabeleko haurrekin.
Arratsaldeko 18:00etan iritsiko da ikazkina auzora, eta haurrekin egoteaz gainera, haien gutunak ere jasoko ditu Olentzerok, bere bisitan.
Josean eta Raimundo nagusitu ziren musean, eta Karmele eta Jon tutean.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!