Bihar hartuko dituzte neguko oporrak Hernaniko ikasleek, eta horiei zuzenduta, hain zuzen, aurkeztu du egitaraua Udalak. Beste behin ere Udaleko «sail ezberdinek adostutako ekintzek» osatzen dute Neguko oporretan zer? egitaraua, Oier Agirresarobe euskara eta hezkuntza zinegotziak adierazi bezala. Larunbat honetan, abenduaren 21ean hasita, urtarrilaren 4ra arte jasotzen ditu ekintzak, hain zuzen.
Denetarik, denentzat
Urteroko ekintzaren berri eman zuen, baita ere, Agirresarobek: «jarduera fisikoa eta kirola sailak antolatuta, neguko ludoteka egingo dute kiroldegian, lau egunetan, goizez». Hilaren 23, 26, 27 eta 30ean izango da hori.
Bertan izango du bere txokoa liburutegiak: «urtero bezala, liburuz betetako karroak eramango ditugu», azaldu zuen Rakel Gonzalek udal liburutegiko arduradunak.
Baina beste bi ekintza izango dituzte, baita ere: komiki tailerra, Ainara Azpiazu 'Axpi'ren eskutik, eta Kaxkoko dendak: lehen eta orain lehiaketa. «Lehiaketarekin herriari bizia ematen diotenei dendei omenaldia egin nahi genien, eta herrian dagoen kezka bat ere ikusiarazi dugu», azaldu du Gonzalezek.
Urtero egiten duten lehiaketa bat da; herritarrek 8 galderei erantzun behar diote, eta horretarako liburutegiko bibliografiara jo. Aurten, ordea, «zailtasunak» izan dituzte, «ez dagoelako ezer dokumentatuta». Hori horrela, «herriko dendariekin eta jendearekin» osatu dituzte testuak. Urtarrilaren 3ra arte izango da aukera, parte-hartzeko. 3 erosketa-bono zozketatuko dituzte, galdera guztiak asmatzen dituztenen artean.
Liburutegiaz gain, gozatzeko aukera gehiago eskainiko ditu Biterik, Nagore Irastorza kultura teknikariak azaldu bezala. Kikoriki eta Elkano. Lehen mundu bira pelikulak jarriko dituzte; eta Burbuilak eta Lau urtaroak: zer ziren eta zer dira! antzerkiez gozatu ahal izango da.
Haur eta gazteria sailak ere antolatu ditu ekintzak. Argigrama tailerra egingo du familia osoarentzat; baita hainbat ikastaro gazteentzat ere. Horrez gain, Gaztelekuak ekintza eta irteera bereziak egingo ditu.
EGITARAUA
ABENDUAK 21
16:30 Haurrentzako zinea: 'Kikoriki'. Biterin.
ABENDUAK 22
16:30 Haurrentzako zinea: 'Kikoriki'. Biterin.
ABENDUAK 23
10:00-13:00 Ludoteka. Kiroldegian.
16:00-18:00/18:00-20:00
'Argigrama'. Biterin. Izena eman behar da. Familia osoarentzat.
ABENDUAK 26
10:00-13:00 Ludoteka. Kiroldegian.
ABENDUAK 27
10:00-13:00 Ludoteka. Kiroldegian.
18:00 Haurrentzako antzerkia: 'Burbuilak'. Biterin.
ABENDUAK 28
16:30 Haurrentzako zinea: 'Elkano. Lehen mundu bira'. Biterin.
ABENDUAK 29
16:30 Haurrentzako zinea: 'Elkano. Lehen mundu bira'. Biterin.
ABENDUAK 30
10:00-13:00 Ludoteka. Kiroldegian.
11:00 Komiki tailerra. Izena eman behar da. Liburutegian.
ABENDUAK 31
11:00 Komiki tailerra. Izena eman behar da. Liburutegian.
URTARRILAK 2
11:00 Komiki tailerra. Izena eman behar da. Liburutegian.
18:00 Haurrentzako antzerki musikatua: 'Lau urtaroak: zer ziren eta zer dira!'. Biterin.
URTARRILAK 3
11:00 Komiki tailerra. Izena eman behar da. Liburutegian.
13:00 'Hernani, Kaxkoko dendak: lehen eta orain' lehiaketaren emaitza eta zozketa.
*12-17 urte bitarteko gazteei zuzendutako egitaraua: 'www.kronika.eus