Aurreko bi hilabeteetan, immigrazioak eta zineak bat egin dute Biterin, Amherrek antolatuta. Eta bost film proiektatu dira jardunaldi hauetan, hala nola, Cafarnaum, Frozen river, La jaula de oro, Diamantes negros eta El viaje de Nisha. Pelikulak proiektatzeaz gain, amaieran, solasaldirako tartea ere egon da, «bertan jatorri ezberdinetako pertsonen esperientziak zein iritziak partekatu ahal izan ditugularik».
«Xamurtasunez betetako film eta jardunaldiak izan dira»
Filmen bidez, errealitatea ikusi
Hamaika sari jaso dituzten film hauen bitartez, «askotan ezkutuan geratzen den immigrazioaren errealitatea ikusi arazi nahi izan dugu. Atzerrian jaiotako populazioa herri honen parte da, baina oso gutxi dakigu beraietaz». Hori dela eta, zinearen bitartez, fikzioarekin bat eginez, egunerokotasun errealak plasmatu dira pantailetan, «jatorri zein kultura ezberdinen arteko zubia eraiki nahi izan dugu, eta hein handi batean lortu dugula esan dezakegu». Bertan jaiotako zein jatorri ezberdineko pertsonek, esperientziak eta iritziak partekatu dituzte jardunaldi hauetan, «eta hori zoriontzekoa da».
Immigrazioaren errealitateaz gainera, «honekin elkarlotuak daude hainbat problematika ere mahai gainean jarri dira, pelikulei esker, besteak beste, genero zapalkuntza, haurren kontrako indarkeria, iparralde eta hegoaldeko lurraldeen arteko desberdintasunak...
Baina egoera hauez gain, alderdi baikorra ere erakutsi da, hala nola, laguntasuna, elkartasuna eta are gehiago, «xamurtasunez beteriko film eta jardunaldiak izan baitira».
Bukatzeko, Amherren esker hitzak: «Amaitzeko, ezin aipatu gabe utzi hau posible egin duten pertsona zein eragile ezberdinei gure errekonozimendua. Eta nola ez, bertaratu zareten zein zuen esperientziak gurekin partekatu dituzuen guztioi, gure eskerrik handienak».